اسلام آباد انٹرنیشنل ایئرپورٹ پر ایف آئی اے امیگریشن نے کارروائی کرتے ہوئے جعلی سفری دستاویزات کے ذریعے بیرون ملک جانے کی کوشش ناکام بنا دی۔
ترجمان ایف آئی اے کے مطابق سیالکوٹ کے رہائشی زریاب احمد نامی مسافر پرتگال جانے کی کوشش کر رہا تھا۔ ابتدائی جانچ کے دوران معلوم ہوا کہ اس کے پاسپورٹ پر موجود پرتگال کا ورک ویزا جعلی ہے۔
ایف آئی اے حکام نے ویزے کی تصدیق کے بعد مسافر کو آف لوڈ کر کے گرفتار کر لیا اور مزید تحقیقات کے لیے ایف آئی اے اینٹی ہیومن ٹریفکنگ سرکل کے حوالے کر دیاگیا ہے۔
ترجمان ایف آئی اے کا کہنا ہے کہ ملزم کے خلاف قانون کے مطابق کارروائی کی جائے گی۔