ٹک ٹاکر اور سوشل میڈیا انفلوئنسر ثناء یوسف قتل کیس میں اہم پیش رفت ہوئی ہے عدالت نے ملزم عمر حیات پر فردِ جرم عائد کر دی۔
تفصیلات کے مطابق ڈسٹرکٹ اینڈ سیشن کورٹس اسلام آباد میں ایڈیشنل سیشن جج محمد افضل مجوکہ نے کیس کی سماعت کی جہاں عدالت نے ملزم سے استفسار کیا کہ آیا اس نے ثناء یوسف کو قتل کیا؟ تاہم ملزم نے صحتِ جرم سے انکار کرتے ہوئے مؤقف اپنایا کہ میں نے ایسا کوئی جرم نہیں کیا تمام الزامات بے بنیاد ہیں۔
جج نے مزید سوال کیا کہ مقتولہ کا موبائل فون چھیننے کا الزام بھی آپ پر ہے جس پر ملزم نے ایک بار پھر الزام کو جھوٹ قرار دیا۔ عدالت نے فردِ جرم عائد کرنے کے بعد کیس کی مزید سماعت 25 ستمبر تک ملتوی کر دی۔
واضح رہے کہ ملزم کے خلاف تھانہ سنبل میں قتل کا مقدمہ درج ہے۔