سکیورٹی فورسز نے ڈیرہ اسماعیل خان کے علاقے درابن میں انٹیلی جنس کی بنیاد پر کارروائی کی جہاں بھارتی پراکسی فتنہ الخوارج کے دہشتگردوں کی موجودگی کی اطلاع تھی۔
آپریشن کے دوران فورسز نے دہشت گردوں کے ٹھکانے کو نشانہ بنایا، جس کے نتیجے میں بھارتی اسپانسرڈ 13 خوارج ہلاک ہوگئے۔ ہلاک دہشت گردوں سے اسلحہ اور گولہ بارود بھی برآمد ہوا۔
آئی ایس پی آر کے مطابق یہ بھارتی اسپانسرڈ خوارج علاقے میں متعدد دہشت گرد سرگرمیوں میں ملوث تھے جن میں دسمبر 2023 میں درابن میں خودکش دھماکے کی سہولت کاری، سرکاری افسران اور معصوم شہریوں کا اغوا اور ٹارگٹ کلنگ شامل ہے۔
علاقے میں کلیئرنس آپریشن جاری ہے تاکہ کسی بھی مزید بھارتی اسپانسرڈ خوارج کو تلاش کرکے ختم کیا جاسکے۔ سکیورٹی فورسز پُرعزم ہیں کہ ملک سے بھارتی سرپرستی میں ہونے والی دہشت گردی کے مکمل خاتمے تک کارروائیاں جاری رہیں گی۔