انسداد دہشتگردی عدالت راولپنڈی میں جی ایچ کیو حملہ کیس کی سماعت ہوئی۔ دوران سماعت عدالت نے بانی پی ٹی آئی عمران خان سے وکلاء کی ملاقات کی درخواست منظور کرلی۔
جج امجد علی شاہ نے حکم جاری کرتے ہوئے تین وکلاء فیصل ملک، حسنین سنبل اور عاقل خان کو عمران خان سے ملاقات اور مشاورت کی اجازت دی ہے۔ عدالتی فیصلے کے مطابق وکلا قیدی سے قانونی حکمت عملی اور کیس سے متعلق امور پر تبادلہ خیال کرسکیں گے۔
یاد رہے کہ جی ایچ کیو حملہ کیس میں عمران خان سمیت دیگر رہنماؤں کے خلاف انسداد دہشتگردی ایکٹ کے تحت مقدمہ زیر سماعت ہے۔