سندھ کابینہ میں بڑے پیمانے پر ردو بدل کی تیاری کی جارہی ہے جس کے تحت اہم وزرا کے محکموں میں تبدیلی کا امکان ہے۔
ذرائع کے مطابق وزیراعلیٰ سندھ مراد علی شاہ سے مختلف وزرا کی ملاقاتوں کا سلسلہ جاری ہے۔ اس سلسلے میں سعید غنی، جام خان شورو اور اسماعیل راہو آج وزیراعلیٰ سے ملاقات کریں گے۔
ذرائع کا کہنا ہے کہ صوبائی وزیر محنت سندھ شاہد تھہیم کو ان کے عہدے سے ہٹانے کا فیصلہ کرلیا گیا ہے جب کہ ان کی جگہ بدین سے منتخب رکن اسمبلی اسماعیل راہو کو صوبائی وزیر بنانے کی تجویز دی گئی ہے۔
ذرائع کے مطابق کابینہ کے اہم وزیر سعید غنی سے محکمہ بلدیات کا قلمدان واپس لینے کا بھی فیصلہ کیا گیا ہے جبکہ جام خان شورو کو اضافی محکمہ منصوبہ بندی و ترقیات کا قلمدان سونپنے کا امکان ہے۔