بلوچستان کے ضلع پنجگور کے علاقے گومازین میں سی پیک روڈ پر مسافر بس اور گاڑی میں تصادم کے بعد آگ بھڑک اٹھی جس کے نتیجے میں متعدد افراد جھلس کر جاں بحق اور زخمی ہوگئے۔
ریسکیو 1122 کے مطابق جائے حادثہ پر امدادی کارروائیاں جاری ہیں اور اب تک کم از کم 5 لاشوں کو ٹیچنگ اسپتال پنجگور منتقل کیا جا چکا ہے۔ لیویز ذرائع کا کہنا ہے کہ گاڑی میں مزید لاشیں موجود ہیں جس سے اموات میں اضافے کا خدشہ ہے۔
حادثے کے بعد روڈ کو ہر قسم کی ٹریفک کے لیے بند کردیا گیا ہے جبکہ مقامی انتظامیہ اور لیویز فورسز نے علاقے کو گھیرے میں لے لیا ہے۔