انسداد دہشت گردی عدالت راولپنڈی نے 9 مئی جی ایچ کیو حملہ کیس میں بانی پی ٹی آئی عمران خان کی جانب سے دائر ٹرائل روکنے کی درخواست خارج کر دی اور کیس کی سماعت 30 ستمبر تک ملتوی کر دی۔
تفصیلات کے مطابق راولپنڈی کی انسداد دہشت گردی عدالت میں عمران خان کی قانونی ٹیم نے درخواست دائر کی تھی جس میں مؤقف اپنایا گیا کہ ویڈیو لنک ٹرائل سے متعلق لاہور ہائی کورٹ راولپنڈی بینچ کے فیصلے تک مقدمے کی کارروائی کو روکا جائے عدالت نے یہ استدعا مسترد کر دی۔
سماعت کے دوران عدالت نے 8 گواہوں کو دوبارہ طلب کرنے سے متعلق درخواست پر پراسیکیوشن کو نوٹس جاری کر دیا۔ اس موقع پر استغاثہ کے تین گواہوں، ڈی ایس پی اکبر عباس، انسپکٹر عصمت کمال اور انسپکٹر تہذیب الحسن کے بیانات بھی قلمبند کیے گئے۔