الیکشن کمیشن آف پاکستان نے قومی اسمبلی کے حلقہ این اے-1 چترال میں ضمنی انتخاب کے شیڈول کا اعلان کر دیا ہے جس کے مطابق پولنگ 23 نومبر کو منعقد ہوگی۔
الیکشن کمیشن کے ترجمان کے مطابق امیدوار 15 سے 17 اکتوبر تک اپنے کاغذاتِ نامزدگی جمع کرا سکیں گے جبکہ کاغذات کی جانچ پڑتال 22 اکتوبر کو کی جائے گی۔
شیڈول کے مطابق اعتراضات پر فیصلے 3 نومبر تک سنائے جائیں گے امیدواروں کی حتمی فہرست 5 نومبر کو جاری ہوگی اور انتخابی نشانات 6 نومبر کو الاٹ کیے جائیں گے۔
یہ نشست پاکستان تحریک انصاف کے رکن قومی اسمبلی عبدالطیف کی نااہلی کے بعد خالی ہوئی تھی جس کے پیشِ نظر الیکشن کمیشن نے ضمنی انتخاب کا باضابطہ شیڈول جاری کر دیا ہے۔