پیپلز پارٹی میں سندھ کی ایک اور اہم سیاسی شخصیت کی شمولیت ہوگئی۔سابق گورنر سندھ عمران اسماعیل کے ایڈوائزر اور تحریکِ استحکام پارٹی کے صوبائی جنرل سیکریٹری امید علی جونیجو پاکستان پیپلز پارٹی میں شامل ہوگئے۔
امید علی جونیجو، سابق ایم پی اے دادو مرحوم عزیز جونیجو کے داماد ہیں اور ماضی میں پی ٹی آئی کے ٹکٹ ہولڈر بھی رہ چکے ہیں۔
پیپلز پارٹی میں ان کی شمولیت کا اعلان پی پی پی لیڈیز ونگ کی صدر فریال تالپور سے ملاقات کے بعد کیا گیا۔شمولیت کے موقع پر سید جاوید شاہ جیلانی اور مہرین بھٹو بھی موجود تھیں۔