فلسطینی مزاحمتی تنظیم حماس نے بین الاقوامی ریڈ کراس کو مزید چار اسرائیلی یرغمالیوں کی لاشیں حوالے کر دیں جنہیں ریڈ کراس کی نگرانی میں رات گئے اسرائیلی حکام کے حوالے کیا گیا۔
عالمی ریڈ کراس سوسائٹی کے مطابق غزہ کے تنازع میں فریقین کی جانب سے انسانی باقیات کی حوالگی ایک بڑا اور پیچیدہ چیلنج ہے اور وہ اس عمل میں سہولت فراہم کر رہی ہے۔
عرب میڈیا رپورٹس کے مطابق اس تبادلے کے نتیجے میں اب تک واپس کی جانے والی لاشوں کی تعداد آٹھ ہو گئی ہے جب کہ اطلاعات کے مطابق غزہ میں تقریباً بیس لاشیں ابھی بھی موجود ہیں۔
دوسری جانب امریکی صدر ڈونلڈ ٹرمپ نے غزہ امن معاہدے کے دوسرے مرحلے کا اعلان کردیا ہے۔ا نہوں نے کہا کہ حماس کی قید سے تمام 20 یرغمالی واپس پہنچ چکے ہیں تاہم یہ عمل ابھی مکمل نہیں ہوا اور مزید اقدامات باقی ہیں۔