امریکی صدر ٹرمپ نے وینزویلا کی نئی رہنما ڈیلسی رودریگیز کو خبردار کیا ہے کہ اگر وہ ’صحیح کام نہیں کریں گی‘ تو انھیں ’بہت بڑی قیمت چکانی پڑے گی، شاید مادورو سے بھی بڑی۔‘ نیکولس مادورو اور ان کی اہلیہ کو امریکہ کے ایک حراستی مرکز میں قید کیا گیا ہے اور انھیں پیر کو نیو یارک کی عدالت میں پیش کیا جائے گا۔
- امریکی وزیر خارجہ مارکو روبیو کا کہنا ہے کہ امریکہ وینزویلا کے خلاف کوئی جنگ نہیں لڑ رہا ہے۔ خیال رہے کہ سنیچر کو امریکہ نے وینزویلا میں فوجی کارروائی کی تھی
- وینزویلا کے صدر نیکولس مادورو اور ان کی اہلیہ امریکہ کی تحویل میں ہیں اور انھیں پیر کو نیو یارک کی ایک عدالت میں پیش کیا جائے گا
- امریکی صدر ڈونلڈ ٹرمپ نے وینزویلا کی عبوری صدر ڈیلسی رودریگیز کو سخت کارروائی کی دھمکی دیتے ہوئے کہا ہے کہ 'اگر وہ درست قدم نہیں اٹھائیں گی تو انھیں اس کی بہت بڑی قیمت چکانی پڑے گی، شاید مادورو سے بھی زیادہ‘
- چین نے وینیزویلا کے صدر نیکولس مادورو اور ان کی اہلیہ کی فوری رہائی کا مطالبہ کرتے ہوئے ان کی صحت اور جان کے تحفظ پر زور دیا ہے۔
- یورپی یونین نے تمام فریقوں سے کہا ہے کہ وہ ’تحمل اور صبر کا مظاہرہ کریں تاکہ صورتحال مزید خراب نہ ہو‘۔ جبکہ اقوامِ متحدہ نے تشویش کا اظہار کرتے ہوئے کہا ہے کہ اس عمل کے ’خطے پر تشویشناک اثرات‘ مرتب ہو سکتے ہیں
ٹرمپ کی وینزویلا کی نئی رہنما کو دھمکی: ’رودریگیز کو مادورو سے بھی بڑی قیمت چکانی پڑ سکتی ہے‘
