پاکستان ریلوے نے موسمِ سرما کے لیے ٹرینوں کا نیا شیڈول جاری کر دیا ہے جس پر 16 اکتوبر سے عمل درآمد شروع ہو گیا ہے۔ریلوے ترجمان کے مطابق نیا ٹائم ٹیبل 16 اکتوبر 2025 سے 15 اپریل 2026 تک نافذ العمل رہے گا۔ نئے شیڈول میں 9 ٹرینوں کے عارضی اسٹاپ مستقل کر دیے گئے ہیں۔
ترجمان کے مطابق علامہ اقبال ایکسپریس اب سیالکوٹ سے صبح 7 بجے کے بجائے ساڑھے 7 بجے روانہ ہوا کرے گی جبکہ عوام ایکسپریس کراچی سے ساڑھے 7 بجے کے بجائے 8 بجے روانہ ہوگی۔
اسی طرح نارووال پسنجر ٹرین صبح 7 بجے کے بجائے 7 بجکر 25 منٹ پر اور شالیمار ایکسپریس ساڑھے 7 بجے کے بجائے 7 بجکر 10 منٹ پر روانہ ہوگی۔
ریلوے حکام کا کہنا ہے کہ شیڈول میں تبدیلیوں کا مقصد موسمِ سرما کے دوران مسافروں کی سہولت اور آپریشنل بہتری کو یقینی بنانا ہے۔