نواب شاہ قومی شاہراہ پر علی آباد اسٹاپ کے قریب ٹرالر، مسافر بس اور کار کے درمیان ٹریفک حادثہ پیش آیا۔ موٹروے پولیس کے مطابق حادثے کے نتیجے میں 10 افراد زخمی ہوئے جنہیں فوری طور پر ریسکیو ٹیموں نے طبی امداد کے لیے تحصیل اسپتال قاضی احمد منتقل کیا۔
حادثے کے بعد ٹریفک کی روانی متاثر ہوئی اور موٹروے پولیس نے موقع پر پہنچ کر راستہ کلیئر کرانے کے لیے کارروائی شروع کر دی۔
ریسکیو ذرائع کے مطابق زخمیوں کو اسپتال میں ضروری طبی امداد فراہم کی جا رہی ہے جبکہ حادثے کی وجہ معلوم کرنے کے لیے تفتیش کا آغاز کر دیا گیا ہے۔