اسلام آباد: پاکستان پیپلز پارٹی نے آزاد کشمیر میں وزیراعظم کے امیدوار کا نام فائنل کرلیا۔
آزاد جموں وکشمیر قانون ساز اسمبلی میں ان ہاؤس تبدیلی کے سلسلے میں پیپلز پارٹی نے وزارتِ عظمیٰ کے لیے چوہدری یاسین کے نام کی منظوری دے دی۔
ذرائع کے مطابق چوہدری یاسین کے نام کا اعلان بلاول بھٹو زرداری کی طرف سے زرداری ہاؤس میں کیا گیا۔ ذرائع کے مطابق اس موقع پر پیپلز پارٹی آزاد کشمیر کی قیادت بھی موجود تھی۔
ذرائع کے مطابق وزارتِ عظمیٰ کے لیے چوہدری یاسین، لطیف اکبر، فیصل ممتاز راٹھور اور سردار یعقوب کے ناموں پر غور کیا گیا۔
ذرائع کا کہنا ہے کہ وزیراعظم آزاد کشمیر انوار الحق کے خلاف تحریک عدم اعتماد کل آزاد کشمیر اسمبلی سیکریٹریٹ میں جمع کرائی جائے گی۔