وزیراعلیٰ سندھ مراد علی شاہ کی زیر صدارت کابینہ کے اجلاس میں کراچی میں رینجرز کی تعیناتی میں مزید ایک سال کی توسیع کی منظوری دے دی گئی ہے۔
وزیراعلیٰ سندھ کے ترجمان کے مطابق رینجرز انسدادِ دہشت گردی ایکٹ کے تحت اختیارات کے ساتھ پولیس کی معاونت جاری رکھے گی۔
نئی مدت 9 دسمبر 2025 سے مؤثر ہوگی اور اس دوران رینجرز شہر میں امن و امان کے قیام اور انسدادِ دہشت گردی کی کارروائیوں میں کلیدی کردار ادا کرے گی۔