پاکستان کرکٹ بورڈ نے تصدیق کردی ہے کہ قومی ٹیم اگلے مہینے ورلڈ کپ سے پہلے سری لنکا میں تین ٹی ٹوئنٹی میچز کھیلے گی۔
یہ میچز 7, 9 اور 11 جنوری کو دمبولا میں کھیلے جائیں گے۔ یاد رہے آئی سی سی ٹی ٹوئنٹی ورلڈ کپ کے میچز بھارت اور سری لنکا میں فروری اور مارچ میں منعقد ہونے ہیں اور پاکستان اپنے سارے میچز سری لنکا میں کھیلے گا۔
پاکستان کرکٹ بورڈ نے کہا یہ سیریز کرانے کا مقصد یہ ہے ٹیم کو ورلڈ کپ کی تیاری میں مدد حاصل ہوگی۔ ورلڈ کپ سے قبل پاکستان آسٹریلیا سے بھی گھر پر 30 جنوری سے تین ٹی ٹوئنٹی میچز کھیلے گا۔