سوئی ناردرن گیس کمپنی کی جانب سے خیبر پختونخوا کے لیے گیس لوڈشیڈنگ کا نیا شیڈول جاری کردیا گیا۔
سوئی گیس حکام کی جانب سے پنجاب اور خیبر پختونخوا کے لیے دسمبر تا فروری گیس لوڈ شیڈنگ شیڈول جاری کیا گیا ہے۔ نئے شیڈول کے مطابق صارفین کو تین اوقات میں وقفے وقفے سے گیس میسر ہوگی، عوام اس دوران ناشتہ اور کھانا بنا سکتے ہیں۔
شیڈول کے مطابق صبح ساڑھے 5 سے ساڑھے 8 گیس ملے گی، جبکہ دوپہر میں ساڑھے 11 سے ڈیڑھ بجے تک گیس میسر ہوگی۔ اسی طرح شام کے وقت ساڑھے 5 سے ساڑھے 8 بجے تک گیس ملے گی۔
صنعتی سیکٹر کے لیے لوڈشیڈنگ نہیں کی جا رہی لیکن سردیوں میں گیس کی طلب کئی گنا بڑھ چکی ہے۔