محکمہ موسمیات نے کراچی میں سردی کی شدت میں اضافے کی پیشگوئی کر دی ہے۔ محکمہ کے مطابق آج سے دن کے وقت موسم خشک رہنے کے ساتھ رات اور صبح سویرے خنکی محسوس کی جائے گی۔
آج شہر میں کم از کم درجہ حرارت 14.5 ڈگری سینٹی گریڈ ریکارڈ کیا گیا۔ شہر قائد میں زیادہ سے زیادہ درجہ حرارت 28 سے 30 ڈگری سینٹی گریڈ کے درمیان رہنے کا امکان ہے۔
ہوا میں نمی کا تناسب 58 فیصد ہے اور شمال مشرقی سمت سے ہوائیں 9 کلومیٹر فی گھنٹہ کی رفتار سے چل رہی ہیں۔