خیبر پختونخوا حکومت کی جانب سے اضافی بجلی کھپت یقینی بنانے کیلیے نئے صنعتی زونز کے قیام کا فیصلہ کیا گیا ہے، اس منصوبے کے تحت اسپیشل اکنامک زونز سمیت مجموعی طور پر چار نئے صنعتی زونز قائم کیے جائیں گے۔
ذرائع کے مطابق خیبر پختونخوا حکومت کا اضافی سستی بجلی پیدا کرنے کا منصوبہ تاخیر کا شکار ہو گیا، جبکہ متعلقہ علاقوں میں اس وقت کوئی بڑا صنعتی یونٹ موجود نہیں۔
ذرائع نے بتایا کہ صوبائی حکومت اضافی سستی بجلی کی کھپت کے حوالے سے شدید مشکلات کا شکار ہے اور اس مسئلے کے حل کے لیے محکمہ صنعت اور محکمہ توانائی کے مابین متعدد اجلاس منعقد کیے جا چکے ہیں۔
حالیہ واقعات کے بعد ذرائع کا کہنا ہے کہ خیبر پختونخوا حکومت نے صوبے میں بجلی کھپت یقینی بنانے کیلیے نئے صنعتی زونز قائم کرنے کا فیصلہ کیا ہے، اس منصوبے کے تحت اسپیشل اکنامک زونز سمیت مجموعی طور پر چار نئے صنعتی زونز قائم کیے جائیں گے۔
ذرائع کے مطابق کاٹلنگ میں اسپیشل اکنامک زون جبکہ سوات میں ایک نیا اکنامک زون قائم کیا جائے گا، کاٹلنگ میں اسپیشل صنعتی زون کے لیے 470 ایکڑ اراضی کی خریداری کی تیاریاں بھی شروع کردی گئی ہیں، تاہم صوبے میں موجود صنعتوں کو صرف 400 میگا واٹ بجلی درکار ہے جبکہ سستی بجلی کے منصوبوں سے تقریباً 1000 میگا واٹ اضافی بجلی حاصل ہوگی۔
یاد رہے کہ خیبر پختونخوا حکومت کی جانب سے اضافی بجلی کھپت یقینی بنانے کیلیے نئے صنعتی زونز کے قیام کا فیصلہ کیا گیا ہے۔