چکوال سے افسوسناک خبر سامنے آئی ہے جہاں شدید دھند کے باعث جی ٹی روڈ پر ڈھوک پٹھان کے قریب ایک مسافر بس کھائی میں جاگری۔ حادثے کے نتیجے میں 5 افراد موقع پر ہی جاں بحق جبکہ 27 مسافر زخمی ہوگئے۔
ریسکیو حکام کے مطابق حادثے کا شکار ہونے والی بس راولپنڈی سے براستہ جی ٹی روڈ ملتان جارہی تھی کہ دھند کے باعث ڈرائیور بس پر قابو نہ رکھ سکا اور گاڑی گہری کھائی میں جاگری۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو قریبی اسپتال منتقل کردیا گیا، جبکہ امدادی کارروائیاں جاری ہیں۔ حکام کے مطابق بعض زخمیوں کی حالت تشویشناک بتائی جارہی ہے۔