وزیراعظم شہباز شریف کل ایک روزہ دورے پر کوئٹہ جائیں گے۔ وزیراعظم کے ہمراہ وفاقی وزرا بھی کوئٹہ پہنچیں گے۔ دورے کے دوران وزیراعظم کو بلوچستان کی مجموعی سیکیورٹی صورتحال پر تفصیلی بریفنگ دی جائے گی۔
وزیراعظم شہباز شریف کو صوبے میں امن و امان، جاری سیکیورٹی اقدامات اور درپیش چیلنجز سے آگاہ کیا جائے گا۔ اس موقع پر وزیراعظم کی بلوچستان کی سیاسی قیادت، لیگی رہنماؤں اور قبائلی عمائدین سے ملاقاتیں بھی متوقع ہیں۔
ملاقاتوں میں صوبے کی موجودہ صورتحال، ترقیاتی منصوبوں اور عوامی مسائل پر تبادلہ خیال کیا جائے گا، جبکہ وزیراعظم قبائلی عمائدین کے تحفظات بھی سنیں گے۔