نائب وزیراعظم اور وزیر خارجہ سینیٹر محمد اسحاق ڈار اور سعودی عرب کے نائب وزیر خارجہ ولید بن عبد الکریم الخریجی کے درمیان پاکستان اور سعودی عرب کے مابین اسٹریٹجک شراکت داری کو مزید مضبوط بنانے پر تبادلہ خیال کیا گیا۔
دفتر خارجہ کے ترجمان کے مطابق یہ ملاقات جدہ میں منعقد ہونے والے اسلامی تعاون تنظیم (او آئی سی) کے 22 ویں غیر معمولی اجلاس کے موقع پر ہوئی۔
ملاقات کے دوران دونوں رہنماؤں نے دوطرفہ تعلقات کے فروغ، باہمی تعاون کو وسعت دینے اور مشترکہ مفادات کے امور پر گفتگو کی۔ فریقین نے علاقائی امن، استحکام اور سلامتی کے لیے او آئی سی کے پلیٹ فارم پر قریبی تعاون جاری رکھنے کے عزم کا بھی اعادہ کیا۔