بھارتی پائلٹ گردیش سنگھ نے ممبئی سے ناگپور جانے والی پرواز میں اپنی چھوٹی بیٹی کو ایک شاندار سرپرائز دے کر مسافروں کے دل خوش کر دیے۔
روایتی اسکول ٹرپ کے دوران کلاس ششم میں پڑھنے والی بیٹی کو پہلے سے خبر نہیں تھی کہ جہاز اس کے والد اڑا رہے ہیں۔ پائلٹ نے اعلان کرتے ہوئے بیٹی سے مخاطب ہو کر کہا کہ 36 ہزار فٹ کی بلندی پر جہاز اڑ رہا ہے اور آج تمہارے پاپا جہاز اُڑا رہے ہیں۔
اس اعلان پر جہاز میں موجود بچے خوشی سے جھومنے لگے جبکہ دیگر مسافروں کے چہروں پر مسکراہٹ چھا گئی۔ ویڈیو سوشل میڈیا پر وائرل ہو گئی اور صارفین نے اسے باپ اور بیٹی کے رشتے کی خوبصورت مثال قرار دیا۔