سینیٹ نے پاکستان پینل کوڈ میں ترمیم کا بل منظور کرلیا۔
ترمیم میں تعزیرات پاکستان میں نئی دفعہ 297 الف شامل کی گئی اور یہ بل جادو ٹونا کی روک تھام سے متعلق ہے۔
بل کے مطابق جو شخص جادو ٹونا یا اس کی تشہیر کرے گا اسے 6 ماہ سے 7 سال تک قید ہوگی اور جرم کے مرتکب شخص کو 10 لاکھ روپے تک جرمانہ ہو گا۔
علاوہ ازیں سینیٹ نے وفاقی نصاب، نصابی کتب سے متعلق بل بھی منظور کرلیا۔ مذکورہ بل سینیٹر عینی مری نے پیش کیا۔