نائب وزیراعظم و وزیر خارجہ سینیٹر محمد اسحاق ڈار نے بنگلا دیش کے مشیر خارجہ محمد توحید حسین سے ٹیلی فونک رابطہ کیا۔
ترجمان دفتر خارجہ کے مطابق دونوں رہنماؤں نے پاکستان اور بنگلہ دیش کے درمیان دوطرفہ تعلقات، بالخصوص تجارت اور اقتصادی تعاون کا جائزہ لیا۔
گفتگو کے دوران دونوں فریقین نے مختلف شعبوں میں باہمی تعاون کو مزید مضبوط بنانے کے عزم کا اعادہ کیا۔ اس موقع پر علاقائی اور عالمی امور پر بھی تبادلہ خیال کیا گیا جبکہ مشترکہ مفادات کے فروغ، علاقائی امن اور خوشحالی کے لیے مسلسل رابطے کی اہمیت پر زور دیا گیا۔