محکمہ موسمیات کے مطابق کراچی میں آج موسم جزوی ابرآلود اور خوشگوار رہنے کا امکان ہے۔ زیادہ سے زیادہ درجہ حرارت 30 سے 32 ڈگری سینٹی گریڈ تک رہ سکتا ہے جبکہ جنوب مغربی ہوائیں 17 کلومیٹر فی گھنٹہ کی رفتار سے چل رہی ہیں۔ ہوا میں نمی کا تناسب 54 فیصد ریکارڈ کیا گیا ہے۔
محکمہ موسمیات نے بتایا ہے کہ یکم اپریل سے جنوبی بلوچستان اور سندھ میں بارشوں کا نیا سسٹم اثر انداز ہوگا جس کے باعث کراچی میں 2 اور 3 اپریل کو بارش کا امکان ہے، سسٹم کے قریب آنے پر مزید اس کی شدت کا اندازہ ہوسکے گا۔
محکمہ موسمیات کے مطابق یہ سسٹم ملک کے بالائی اور دیگر علاقوں پر 5 اپریل تک اثرانداز رہ سکتا ہے۔