مکہ مکرمہ کی مسجد الحرام سے خودکش بمبار کی گرفتاری کی خبروں کی حرمین شریفین حکام نے تردید کر دی ہے۔
حکام نے تصدیق کی ہے کہ سیکیورٹی اہلکاروں نے مسجد الحرام میں خوف و ہراس پھیلانے اور وہاں موجود زائرین کو ہراساں کرنے والے شخص کو گرفتار کیا ہے۔
سیکیورٹی حکام کے مطابق گرفتار شخص کے خلاف فوری اور ضروری قانونی کارروائی مکمل کرکے اسے پبلک پراسیکیوشن کے حوالے کردیا گیا ہے۔
حکام نے واضح کیا ہے کہ خودکش بمبار کی گرفتاری کے حوالے سے سوشل میڈیا پر گردش کرنے والی تمام اطلاعات بالکل غلط ہیں۔