دفتر خارجہ کے مطابق اقوام متحدہ کے سیکریٹری جنرل انتونیو گوتریس نے نائب وزیراعظم و وزیر خارجہ سینیٹر محمد اسحاق ڈار سے ٹیلیفونک رابطہ کیا ہے۔
ترجمان دفتر خارجہ کے بیان کے مطابق سیکریٹری جنرل نے اسلام آباد میں ہونے والے مذاکرات کے انعقاد میں پاکستان کے تعمیری کردار کو سراہا اور خطے میں امن کے فروغ کے لیے پاکستان کی سفارتی کوششوں کی تعریف کی۔
انتونیو گوتریس نے اس موقع پر پاکستان کی جاری سفارتی کاوشوں کے لیے اقوام متحدہ کی مکمل حمایت کا بھی اظہار کیا۔
نائب وزیراعظم اسحاق ڈار نے گفتگو میں کہا کہ پاکستان خطے میں امن و استحکام کے لیے مذاکرات اور سفارتکاری کے فروغ پر یقین رکھتا ہے اور اس سلسلے میں اپنی کوششیں جاری رکھے گا۔