اوپن اے آئی نے اپنے چیٹ بوٹ چیٹ جی پی ٹی کے امیج جنریٹر میں اہم اپ ڈیٹ کرتے ہوئے نیا امیج 2.0 ماڈل متعارف کرا دیا ہے جس سے تصاویر بنانے کی صلاحیت پہلے سے زیادہ بہتر اور درست ہو گئی ہے۔
کمپنی کے مطابق نیا سسٹم صارف کی ہدایات کو زیادہ بہتر طریقے سے سمجھ کر مطلوبہ تصویر تیار کرے گا۔ اس نئے فیچر کا اعلان اوپن اے آئی کے چیف ایگزیکٹو اور ٹیم نے لائیو اسٹریم کے دوران کیا۔
سام آلٹمین نے کہا کہ یہ اپ گریڈ ایک بڑی پیشرفت ہے، جس سے سسٹم زیادہ پیچیدہ اور خوبصورت تصاویر بنانے کے قابل ہو گیا ہے، جیسے ماڈل میں ایک بڑی جست لگائی گئی ہو۔
نئے ماڈل میں سب سے اہم بہتری تصاویر کے اندر ٹیکسٹ کو بہتر انداز میں شامل کرنا ہے جبکہ لے آؤٹ اور اسٹرکچر کو بھی زیادہ درست طریقے سے ہینڈل کیا جا سکے گا۔
مزید یہ کہ اب تصاویر بنانے کا عمل مختلف مراحل میں مکمل ہوگا اور سسٹم آخری مرحلے میں صارف سے حتمی ہدایات لے کر تصویر کو زیادہ بہتر انداز میں تیار کرے گا۔