برطانیہ کی حکومت نے اسکولوں میں اسمارٹ فونز کے استعمال پر باقاعدہ پابندی عائد کرنے کا فیصلہ کر لیا ہے۔
حکومت کی جانب سے "چلڈرنز ویلبیئنگ اینڈ اسکولز بل" میں ترمیم کی جا رہی ہے تاکہ اس پابندی کو قانونی شکل دی جا سکے اور تمام تعلیمی اداروں پر اس کا اطلاق یقینی بنایا جا سکے۔
وزیر تعلیم کے مطابق اس اقدام کا مقصد طلبہ کی توجہ پڑھائی پر مرکوز کرنا اور اسکولوں میں نظم و ضبط کو بہتر بنانا ہے۔
واضح رہے کہ برطانیہ کے بیشتر اسکول پہلے ہی موبائل فون کے استعمال پر پابندی عائد کر چکے ہیں تاہم نئی قانون سازی کے بعد یہ پابندی ملک بھر میں لازمی ہو جائے گی۔