ٹک ٹاک نے آرٹیفیشل انٹیلی جنس (اے آئی) پر مبنی ایک نیا فیچر میم ری مکسر متعارف کرانے کی آزمائش شروع کر دی ہے جو ویڈیو شیئرنگ اور کمنٹس کے استعمال کا انداز بدل سکتا ہے۔
کمپنی کے مطابق اس فیچر کے ذریعے صارفین کی ویڈیوز کو اے آئی کی مدد سے ری مکس کیا جا سکے گا جس میں چہرہ، آواز اور پس منظر تبدیل کر کے نئی تصاویر تیار کی جا سکیں گی۔ یہ تصاویر ویڈیوز کے کمنٹس میں شیئر بھی کی جا سکیں گی۔
مثال کے طور پر اگر کوئی صارف ہوٹل وزٹ کی ویڈیو اپلوڈ کرے تو دیگر صارفین اے آئی کی مدد سے اسے ساحل یا کسی اور جگہ دکھا سکیں گے۔
ٹک ٹاک نے تصدیق کی ہے کہ یہ فیچر فی الحال تجرباتی مرحلے میں ہے اور محدود صارفین کو دستیاب ہے۔ کمپنی کے مطابق یہ آپشن بائی ڈیفالٹ آن ہوگا تاہم صارفین اسے بند بھی کر سکیں گے اگرچہ ہر ویڈیو کے لیے الگ سے سیٹنگ تبدیل کرنا پڑے گی۔کمپنی کا کہنا ہے کہ مستقبل میں اس فیچر میں مزید تبدیلیاں اور بہتری لائی جا سکتی ہے۔