میٹا نے اپنے اکاؤنٹس سینٹر کو اپ گریڈ کرتے ہوئے میٹا اکاؤنٹ متعارف کرانے کا اعلان کیا ہے جس کے ذریعے کمپنی کی تمام ایپس اور ڈیوائسز تک ایک جگہ سے رسائی ممکن ہوگی۔
کمپنی کے مطابق صارفین اب فیس بک، انسٹاگرام، تھریڈز اور واٹس ایپ سمیت دیگر پلیٹ فارمز کو ایک ہی اکاؤنٹ کے ذریعے منیج کرسکیں گے۔
اس کے علاوہ اے آئی گلاسز اور میٹا کوئسٹ ہیڈ سیٹس جیسی ڈیوائسز تک بھی اسی پلیٹ فارم سے رسائی دی جائے گی۔ صارفین ای میل، کنیکٹڈ اکاؤنٹس اور سنگل پاس ورڈ جیسے فیچرز کو آسانی سے کنٹرول کرسکیں گے۔
کمپنی کے مطابق یہ اپ ڈیٹ مرحلہ وار آئندہ سال تک متعارف کرائی جائے گی جبکہ پیرنٹل کنٹرولز بھی شامل کیے جائیں گے تاکہ بچوں کے اکاؤنٹس کی نگرانی ممکن ہوسکے۔