اسلام آباد کے پاکستان انسٹیٹیوٹ آف میڈیکل سائنسز میں بانی پاکستان تحریک انصاف عمران خان کی آنکھ کا معائنہ کیا گیا اور انہیں چوتھا انجکشن لگایا گیا۔
گزشتہ رات اسپتال منتقلی کے بعد ڈاکٹر عارف اور ڈاکٹر ندیم قریشی پر مشتمل ماہر ڈاکٹروں کی ٹیم نے یہ طبی طریقہ کار مکمل کیا۔
طبی ماہرین نے پروسیجر کے بعد عمران خان کی بینائی کو پہلے سے بہتر قرار دیتے ہوئے ان کی صحت پر اطمینان کا اظہار کیا ہے۔
ذرائع کے مطابق بانی پی ٹی آئی کی فٹنس رپورٹ بھی تیار کرلی گئی ہے جو جیل حکام کو ارسال کی جائے گی، جس کے بعد انہیں دوبارہ جیل منتقل کیے جانے کا امکان ہے۔