بھارت کے یومِ آزادی کے موقع پر مقبوضہ کشمیر میں آج یومِ سیاہ منایا جا رہا ہے۔ کل جماعتی حریت کانفرنس کی اپیل پر لائن آف کنٹرول کے دونوں جانب اور دنیا بھر میں بھارتی قبضے کے خلاف احتجاجی سرگرمیوں کا انعقاد کیا جا رہا ہے۔
مقبوضہ کشمیر میں بھارتی انتظامیہ نے یومِ آزادی کی تقریبات کے پیش نظر سیکیورٹی کے نام پر سخت اقدامات کیے ہیں جبکہ بالخصوص سری نگر کو عملی طور پر فوجی حصار میں لے لیا گیا ہے۔
سری نگر کے بخشی اسٹیڈیم کے اطراف کئی سطحوں پر سیکیورٹی حصار قائم کیے گئے ہیں۔ مختلف مقامات پر گاڑیوں، مسافروں اور راہگیروں کی سخت تلاشی لی جا رہی ہے جبکہ آمدورفت پر بھی کڑی نظر رکھی جا رہی ہے۔