وزیر دفاع پاکستان خواجہ محمد آصف نے شنگھائی تعاون تنظیم کے دفاعی وزراء اجلاس کے موقع پر اہم سفارتی ملاقاتیں کی ہیں۔
ذرائع کے مطابق خواجہ محمد آصف نے اجلاس کے دوران ایران کے نائب وزیر دفاع کے ساتھ ساتھ چین، قازقستان اور تاجکستان کے دفاعی وزراء سے الگ الگ دو طرفہ ملاقاتیں کیں۔
ملاقاتوں میں خطے کی سیکیورٹی صورتحال، دفاعی تعاون اور باہمی دلچسپی کے امور پر تبادلہ خیال کیا گیا۔ ذرائع کا کہنا ہے کہ ان ملاقاتوں کا مقصد رکن ممالک کے درمیان دفاعی روابط کو مزید مضبوط بنانا اور علاقائی سلامتی کے چیلنجز پر مشترکہ حکمت عملی کو فروغ دینا تھا۔
وزیر دفاع کی یہ ملاقاتیں کرغزستان کے دارالحکومت بشکیک میں ہونے والے ایس سی او دفاعی وزراء اجلاس کے موقع پر ہوئیں، جہاں رکن ممالک کے اعلیٰ دفاعی حکام شریک ہیں۔