ملک ریاض اور ان کے بیٹے علی ریاض کے خلاف اہم پیشرفت سامنے آئی ہے، جہاں انٹرپول نے قومی احتساب بیورو (نیب) کی درخواست پر دونوں کے ریڈ وارنٹ جاری کردیے ہیں۔
ذرائع کے مطابق یہ ریڈ وارنٹس ریئل اسٹیٹ کے شعبے میں مبینہ کرپشن کے کیسز کے سلسلے میں جاری کیے گئے ہیں۔ نیب حکام کا کہنا ہے کہ ملک ریاض کے خلاف 900 ارب روپے سے زائد مالیت کی کرپشن کے معاملات کی تحقیقات مکمل کرلی گئی ہیں۔
حکام کے مطابق ریڈ وارنٹس جاری ہونے کے بعد اب انٹرپول کے ذریعے ملزمان کی گرفتاری اور پاکستان منتقلی کے لیے قانونی کارروائی عمل میں لائی جائے گی۔ اس پیشرفت کو ملک کے احتسابی عمل میں ایک اہم قدم قرار دیا جا رہا ہے۔