چمن پاک افغان سرحد پر کشیدگی کے دوران پاک فوج نے افغان طالبان اور فتنہ الخوارج کی مبینہ بلااشتعال جارحیت کے جواب میں بھرپور جوابی کارروائی کی ہے۔
ذرائع کے مطابق چمن سیکٹر میں پاک فوج نے مؤثر جوابی کارروائی کرتے ہوئے افغان طالبان کی چوکیوں اور گاڑیوں کو نشانہ بنا کر تباہ کردیا۔ سیکیورٹی ذرائع کا کہنا ہے کہ اس کارروائی کے نتیجے میں مخالف عناصر کو پسپائی اختیار کرنا پڑی۔
سیکیورٹی حکام کے مطابق دفاع وطن کے لیے سیکیورٹی فورسز کا عزم غیر متزلزل ہے اور یہ اقدامات ملک کی سالمیت کے تحفظ کو یقینی بنا رہے ہیں۔ ذرائع نے مزید بتایا کہ پاک فوج کا آپریشن ”غضب للحق“ اپنے تمام مقررہ اہداف کے حصول تک جاری رہے گا۔