آل پاکستان پیٹرول پمپ اونرز ایسوسی ایشن نے نے ملک بھر میں ہڑتال کی خبروں کو مسترد کرتے ہوئے واضح کیا ہے کہ پیٹرول پمپس معمول کے مطابق کھلے رہیں گے۔
ایسوسی ایشن کے وائس چیئرمین نے اپنے بیان میں کہا کہ آج سے 5 مئی تک پیٹرول پمپس کی بندش سے متعلق افواہوں میں کوئی صداقت نہیں ہے اور عوام بلا خوف و خطر پیٹرولیم مصنوعات حاصل کر سکتے ہیں۔
انہوں نے کہا کہ ملک بھر میں پیٹرول کی فراہمی بلا تعطل جاری ہے اور ہڑتال سے متعلق پھیلائی جانے والی خبروں کا ایسوسی ایشن سے کوئی تعلق نہیں۔
ان کا مزید کہنا تھا کہ پیٹرول پمپ مالکان ہڑتال کی حمایت نہیں کرتے، لہٰذا عوام افواہوں پر کان نہ دھریں اور اطمینان کے ساتھ معمول کے مطابق پیٹرول پمپس سے سہولت حاصل کریں۔