وزیراعظم کے مشیر رانا ثناء اللہ نے کہا ہے کہ خیبرپختونخوا کی سیاسی صورتحال میں بعض شخصیات کے مؤقف میں تبدیلی کے باعث اختلافات سامنے آ رہے ہیں۔ انہوں نے کہا کہ پی ٹی آئی اگر نیا وزیراعلیٰ لانا چاہتی ہے تو یہ ان کا فیصلہ ہے۔
انہوں نے کہا کہ پاکستان خطے میں امن کے لیے فعال کردار ادا کر رہا ہے اور ایران و امریکا کشیدگی میں بھی سفارتی کوششیں جاری ہیں۔ ان کا کہنا تھا کہ حکومت اعلیٰ سطح پر رابطوں میں ہے تاکہ کشیدگی کم ہو اور آبنائے ہرمز کھلی رہے۔
رانا ثناء اللہ نے توانائی بحران پر بات کرتے ہوئے کہا کہ ملک میں بجلی ذخیرہ کرنے کی محدود صلاحیت کے باعث بعض اوقات لوڈشیڈنگ کرنا پڑتی ہے جبکہ حکومت سولر توانائی کے فروغ کے حق میں ہے لیکن گرڈ پر بوجھ کو مدنظر رکھا جاتا ہے۔