وفاقی وزیر اطلاعات عطاء اللہ تارڑ نے کہا ہے کہ معرکہ حق میں کامیابی کے بعد پاکستان دنیا میں امن کے علمبردار کے طور پر ابھرا ہے۔
تقریب سے خطاب کرتے ہوئے انہوں نے کہا کہ یہ کامیابی صرف عسکری نہیں بلکہ سفارتی محاذ پر بھی حاصل کی گئی جس کے بعد پاکستان کا عالمی تشخص مزید مضبوط ہوا ہے۔
عطاء اللہ تارڑ کے مطابق پاکستان نے ذمہ دار ریاست کے طور پر دہشت گردی کے واقعات پر ہمیشہ تشویش کا اظہار کیا اور شفاف تحقیقات کا مطالبہ کیا، تاہم بعض معاملات پر بھارت کی جانب سے کوئی واضح جواب نہیں دیا گیا۔
انہوں نے کہا کہ پاکستان دہشت گردی کے خلاف جنگ میں بڑی قربانیاں دے رہا ہے اور ملک کا ہر طبقہ اس جدوجہد سے متاثر ہوا ہے۔
وفاقی وزیر نے مزید کہا کہ پاکستان نے عالمی سطح پر اپنا مؤقف مؤثر انداز میں پیش کیا ہے اور بیانیے کی جنگ میں کامیابی حاصل کی گئی ہے۔