لاہور ہائیکورٹ نے گلوکارہ و اداکارہ میشا شفیع کو 50 لاکھ روپے ہرجانے سے متعلق سیشن کورٹ کے فیصلے کو مشروط طور پر معطل کر دیا ہے تاہم مکمل معطلی کی درخواست مسترد کر دی گئی۔
عدالت نے حکم دیا ہے کہ میشا شفیع جرمانے کی نصف رقم نقد جمع کرائیں جبکہ باقی رقم کے لیے ضمانتی بانڈز جمع کروائے جائیں۔
عدالت نے مزید سماعت کے لیے گلوکار علی ظفر کو نوٹس جاری کرتے ہوئے جواب طلب کر لیا ہے۔
یاد رہے کہ سیشن کورٹ نے ہتکِ عزت کے دعوے میں علی ظفر کے حق میں فیصلہ دیتے ہوئے میشا شفیع کو 50 لاکھ روپے ہرجانہ ادا کرنے کا حکم دیا تھاجس کے خلاف انہوں نے لاہور ہائیکورٹ میں اپیل دائر کی تھی۔