صومالی بحری قزاقوں اور آنر 25 نامی جہاز کے مالک کے درمیان مذاکرات جاری ہیں جبکہ صومالیہ کی حکومت نے پاکستان سے رابطہ کرکے تازہ ترین صورتحال سے آگاہ کیا ہے۔
/p>
شپنگ ذرائع کے مطابق جہاز میں موجود 11 پاکستانیوں سمیت تمام یرغمالی محفوظ ہیں۔ صومالی حکام کے دو جہاز مسلسل بحری قزاقوں کی نگرانی کر رہے ہیں جبکہ قزاقوں نے جہاز کی لوکیشن بھی تبدیل کر دی ہے۔
ذرائع کا کہنا ہے کہ بحری قزاق محفوظ راستہ چاہتے ہیں جس پر صومالی حکومت کو پیش رفت کی امید ہے۔ دوسری جانب بعض پاکستانی خاندانوں نے ایک این جی او کے ذریعے قزاقوں سے رابطے کی کوشش کی ہے۔
صومالی حکام نے پاکستانی خاندانوں سے اپیل کی ہے کہ وہ بحری قزاقوں سے براہ راست رابطہ نہ کریں اور معاملہ حکومتی سطح پر ہی حل ہونے دیں۔