بجلی تقسیم کار کمپنیوں نے صارفین تک سبسڈی اور سہولت کی فراہمی کو مزید شفاف بنانے کے لیے نیا اقدام اٹھا لیا ہے۔پاور ڈویژن کے ترجمان کے مطابق اب صارفین کے ماہانہ بجلی بل پر یہ واضح طور پر بتایا جائے گا کہ انہیں اس ماہ کتنی سبسڈی فراہم کی گئی۔
ترجمان کا کہنا ہے کہ اس سہولت سے فائدہ اٹھانے کے لیے صارفین کو بجلی کے بل پر موجود کیو آر کوڈ اسکین کر کے متعلقہ لنک پر رجسٹریشن کرنا ہوگی۔
پاور ڈویژن کے مطابق رجسٹریشن کا مقصد اس امر کو یقینی بنانا ہے کہ کم بجلی استعمال کرنے والے خاندانوں کو ریلیف مسلسل ملتا رہے تاہم اس اقدام کا ہرگز یہ مطلب نہیں کہ سبسڈی ختم کی جا رہی ہے۔
ترجمان نے واضح کیا کہ حکومت کی اولین ترجیح غریب اور متوسط طبقے کو ریلیف فراہم کرنا ہے جبکہ اس عمل کا مقصد صرف وسائل کا منصفانہ اور مؤثر استعمال یقینی بنانا ہے۔