پشاور انسٹیٹیوٹ آف کارڈیالوجی (پی آئی سی) نے ملک میں پہلی بار دل کے والو اور دل میں موجود سوراخ کا کامیاب اینڈواسکوپک علاج کر کے اہم طبی سنگ میل عبور کرلیا ہے۔
رپورٹ کے مطابق جدید کیمروں اور انتہائی ترقی یافتہ ٹیکنالوجی کے ذریعے دل کی پیچیدہ سرجری بغیر بڑے آپریشن کے کامیابی سے مکمل کی گئی۔
ترجمان پی آئی سی رفعت انجم نے بتایا کہ اس جدید طریقہ علاج کے ذریعے 37 سالہ مریض کا کامیاب علاج کیا گیا ہے، جو اب تیزی سے صحتیاب ہو رہا ہے۔
اسپتال انتظامیہ کے مطابق یہ پیش رفت کارڈیالوجی کے شعبے میں ایک اہم کامیابی ہے، جس سے مستقبل میں دل کے پیچیدہ امراض کے علاج میں کم خطرہ اور جدید سہولیات کی راہ ہموار ہوگی۔