معرکۂ حق کو ایک سال مکمل ہونے پر پاکستان رینجرز سندھ کے ہیڈکوارٹرز میں تقریب کا انعقاد کیا گیا، جس میں رینجرز کے افسران اور جوانوں نے بڑی تعداد میں شرکت کی۔
تقریب کے آغاز میں ڈپٹی ڈائریکٹر جنرل (ڈی ڈی جی) رینجرز سندھ نے یادگارِ شہداء پر حاضری دی اور پھولوں کی چادر چڑھائی۔ اس موقع پر معرکۂ حق کی تکمیل کی مناسبت سے شہداء وطن کی عظیم قربانیوں کو زبردست خراجِ عقیدت پیش کیا گیا اور ان کے درجات کی بلندی کے لیے فاتحہ خوانی اور خصوصی دعائیں کی گئیں۔
تقریب کے دوران چیف آف آرمی اسٹاف اور چیف آف ڈیفنس فورسز کا خصوصی پیغام بھی پڑھ کر سنایا گیا۔ رینجرز سندھ کے ہیڈکوارٹرز میں منعقدہ اس تقریب کے ذریعے وطن کے دفاع کے لیے جانوں کا نذرانہ پیش کرنے والے شہداء کو بھرپور انداز میں خراجِ تحسین پیش کیا گیا اور ملک کی سلامتی کے عزم کا اعادہ کیا گیا۔