لیڈی ولنگڈن اسپتال لاہور کے آپریشن تھیٹر کی وائرل ویڈیو کے معاملے میں معطل کیے گئے طبی عملے کو دوبارہ بحال کردیا گیا ہے۔
ذرائع کے مطابق معطل کی گئی گائنی پروفیسر، میڈیکل سپرنٹنڈنٹ (ایم ایس) اور دو نرسز کو بحالی کے احکامات جاری کر دیے گئے ہیں۔
تاہم حکام کے مطابق تاحال ان ملازمین کی نئی تعیناتی سے متعلق کوئی باضابطہ احکامات جاری نہیں کیے گئے۔
واضح رہے کہ اسپتال کے آپریشن تھیٹر کی ویڈیو وائرل ہونے کے بعد انتظامیہ نے ابتدائی طور پر انکوائری مکمل ہونے تک متعلقہ عملے کو معطل کیا تھا، تاہم اب انہیں دوبارہ بحال کردیا گیا ہے۔