نیب کراچی نے بحریہ ٹاؤن کے خلاف مختلف کارروائیوں کا آغاز کرتے ہوئے اہم پیش رفت کی ہے۔
نیب اعلامیے کے مطابق بحریہ ٹاؤن میں موجود ملک ریاض اور علی ریاض ملک کی ذاتی رہائش گاہ کو منجمد کردیا گیا ہے۔
اعلامیے میں کہا گیا ہے کہ کارروائیاں جاری تحقیقات اور مبینہ بے ضابطگیوں کے تناظر میں عمل میں لائی جا رہی ہیں۔ نیب حکام کے مطابق متعلقہ جائیدادوں اور دیگر اثاثوں کا ریکارڈ بھی حاصل کیا جا رہا ہے تاکہ تحقیقات کو مزید آگے بڑھایا جاسکے۔
ذرائع کا کہنا ہے کہ نیب کی جانب سے بحریہ ٹاؤن سے متعلق مختلف معاملات کی چھان بین جاری ہے، جبکہ مزید اہم فیصلوں اور اقدامات کا بھی امکان ظاہر کیا جارہا ہے۔