آئی ایم ایف نے ایف بی آر کی کارکردگی پر عدم اطمینان کا اظہار کرتے ہوئے کہا ہے کہ رواں مالی سال کے دوران ایف بی آر کو ٹیکس ریونیو میں بھاری شارٹ فال کا سامنا ہے۔
رپورٹ کے مطابق مالی سال کے پہلے 10 ماہ میں ایف بی آر کا ریونیو شارٹ فال 684 ارب روپے تک پہنچ چکا ہے، جس پر آئی ایم ایف نے تشویش ظاہر کی ہے۔
آئی ایم ایف نے حکومتِ پاکستان سے مطالبہ کیا ہے کہ ریونیو خسارے پر قابو پانے کیلیے جون تک مؤثر اصلاحات نافذ کی جائیں تاکہ ٹیکس وصولیوں کے اہداف حاصل کیے جاسکیں۔
رپورٹ میں کہا گیا ہے کہ مالی نظم و ضبط برقرار رکھنے اور معیشت کو مستحکم کرنے کیلیے ٹیکس نظام میں مزید بہتری ناگزیر ہے۔