سندھ کے سینئر صوبائی وزیر شرجیل انعام میمن نے کہا ہے کہ سندھ اسمبلی میں اپوزیشن لیڈر نے منشیات کے معاملے پر سیاسی پوائنٹ اسکورنگ کی ہے۔
کراچی میں میڈیا سے گفتگو کرتے ہوئے شرجیل میمن کا کہنا تھا کہ منشیات کے خاتمے کیلئے تمام اداروں اور افراد کو اپنی ذمہ داری ادا کرنا ہوگی۔
انہوں نے کہا کہ سندھ اسمبلی کے ارکان کے منشیات ٹیسٹ کرانے میں کوئی حرج نہیں اور اس حوالے سے مثبت اقدامات کیے جاسکتے ہیں۔
سینئر وزیر سندھ نے مزید کہا کہ صوبے میں منشیات کے نیٹ ورک کے خاتمے کیلئے کارروائیاں جاری ہیں اور حکومت اس ناسور کے خاتمے کیلیے سنجیدہ اقدامات کر رہی ہے۔