حکومتِ پنجاب نے عیدالاضحیٰ تک صوبے بھر میں لاک ڈاؤن مکمل طور پر ختم کرنے کا اعلان کردیا ہے۔
اس حوالے سے حکومت پنجاب کی جانب سے باقاعدہ نوٹیفکیشن بھی جاری کر دیا گیا ہے، جس کے مطابق کاروباری، تجارتی اور سماجی سرگرمیوں پر عائد تمام پابندیاں مرحلہ وار ختم کی جائیں گی۔
ذرائع کے مطابق عیدالاضحیٰ کے پیشِ نظر عوام اور تاجروں کو سہولت فراہم کرنے کیلئے یہ فیصلہ کیا گیا ہے، جبکہ متعلقہ اداروں کو ایس او پیز پر عملدرآمد یقینی بنانے کی ہدایت بھی کی گئی ہے۔
حکومتی اعلامیے میں کہا گیا ہے کہ شہریوں سے احتیاطی تدابیر اختیار کرنے اور صحت سے متعلق ہدایات پر عمل کرنے کی اپیل کی گئی ہے۔